شەشەمین خولی ڕاهێنانی خوێندکارانی جەماعەتی دەعوەت و ئیسلاحی هۆرمزگان هۆرمزگان لە ڕۆژی پێنجشەممە ١٠ی خەرمانان تا یەکشەممە ١٣ی خەرمانان لە نووسینگەی جەماعەتی دەعوەت و ئیسلاحی پارێزگای فارس (بینای نوێژ) لە شیراز، بە ئامادەبوونی کۆمەڵێک خوێندکاری ئەم پارێزگایە بەڕێوە چوو. ئەم خولە بە سەرپەرشتی و بەڕێوەبردنی جەماعەتی دەعوەت و ئیسلاحی هۆرمزگان بەڕێوە چوو و ڕۆژی دووشەممە ١٤ی خەرمانان بە کەمپێکی پەروەردەیی و گەشت و سەیرانی لە دەرەوەی شیراز کۆتایی هات.
ئەم زنجیرە خولە پەروەردەیی و ڕاهێنانە کە لە مانگی خەرمانانی ساڵی ڕابردوو دەستی پێ کردووە، لەسەر بنەمای بەرنامەیەکی نوێی پەروەردەیی داڕێژراوە و دووهەم خولی هاوینەی خۆی لە شیراز ئەزموون کردووە.
لە ڕێوڕەسمی کردنەوەیدا، دوای خوێندنەوەی قوڕئان لەلایەن یەکێک لە خوێندکارانەوە، عەقیل فەتحی، بەرپرسی بەشی پەروەردە و ڕاهێنانی جەماعەتی دەعوەت و ئیسلاحی هۆرمزگان، بەخێرهاتنی قوتابیان و مامۆستایانی کرد و سوپاسی میواندارێتی دڵسۆزانەی جەماعەتی دەعوەت و ئیسلاحی پارێزگای فارسی کرد بۆ دووهەم ساڵی.
بەرنامەی پەروەردەیی ئەم خوله بۆ ماوەی چوار ڕۆژ بەردەوام بوو، به پێشکەشکردنی تەوەری جۆراوجۆری زانستی و پەروەردەیی له لایەن مامۆستایانی لێهاتوو:
"نەریتەکانی ئیلاهی" و "ڕوانگەیەکی نوێ بۆ نەریتی پێغەمبەرانە".
"دینداریی باش" و "بیرکردنەوە لە پەیوەندی مرۆڤ لەگەڵ خودا".
"مێژوو و چالاکی و ڕێباز و ستراتیژی جەماعەتی دەعوەت و ئیسلاح"
"ڕۆحانیەت و پێویستییەکەی"
دەرکەوتە بێگەردەکانی ئیسلام
هەروەها لە ڕۆژی کۆتاییدا دانیشتنێکی هاوبیری و گفتوگۆیەکی دڵسۆزانە لەگەڵ یەکێک لە مامۆستایانی زانکۆ بەڕێوە چوو. بیرەوەرییەکانی خۆی لە خوێندن و ئەزموونە ئەکادیمی و کەسییەکانی خۆی باس کرد، هەروەها چەند ئامۆژگاری و ڕاسپاردەی بۆ خوێندکاراندا خستە ڕوو.
ئەم خولە بە سەرپەرشتی ڕاستەوخۆی محەممەد خەلفانی بەرپرسی لێژنەی کارگێڕیی جەماعەتی دەعوەت و ئیسلاحی هۆرمزگان و بە چاوەدێری جێگری خوێندکارانی و هاوکاری بەشی ڕاهێنان و پەروەردەی ئەو ڕێکخراوەیە بەڕێوە چوو. لەکۆتاییدا جگە لە پێشکەشکردنی ڕاپۆرتێک لەسەر پرۆسەی خول لەلایەن بەرپرسی دەستەی کارگێڕی پارێزگاکانەوە، لەلایەن خوێندکارانەوە دیاری پێشکەش بە مامۆشتاکان کرا.
ئەم خولە پەروەردەییە جارێکی دیکە تیشکی خستە سەر پەیوەندی نێوان زانست و ڕۆحانیەت و ئەزموونی ژیانی کۆمەڵگەی خوێندکاران و بە گەشت و سەیران و بەرنامەی گەرموگۆڕانەی کۆتایی، سات و کاتێکی خۆشی لە بیرەوەری و مێشک و گیانی بەشداربوواندا بەجێ هێشت.